"كل الدراسات اللي قمنا بيها في خلال الساعات القليلة الماضية، أكدت أن نسبة التلوث مش بالكيفية اللي تم ترويجها في وسائل الإعلام المعارضة، آه في نسبة عشان نكون صادقين معاكم، لكنها مش خطيرة ويمكن التعامل معها بشيء قليل من الجهد والصبر والحذر طبعا"
ثم تابع وقلوب وعيون الملايين تدعو له بالستر :)
"لكن مؤقتا، ولحد ما أبحاثنا ودراساتنا تكتمل، بلاش تشربوا مية من الحنفية، بلاش تاكلوا سمك، بلاش تستحموا، بلاش تغسلوا هدومكوا، وطبعا المية المعدنية مش مضمونة فبلاش منها هي راخرة"
" طب هتقوليلي نعمل إيه؟"
"في الوقت الحالي معنديش إجابة قاطعه على السؤال ده، بس اللي نعرفه ودرسناه أن الميه بتغسل إي حاجة، فـ اللي عنده شوية ميه محوشهم، ممكن يغسل بيهم شوية تانين من الحنفيه زي ما بتعمل مع الفاكهة والخضار بالضبط"!
"الناس اللي بتستغرب وهتبتدي تألش، أحب أقولهم أن الميه المغسولة تقنية معروفة في العالم كله زيها بالضبط زي تقنية الميه المبلولة، ودي حاجات مش جديدة، وأعتقد أنها السبيل الوحيد للتعامل مع الوضع الراهن لحد ما نقدر نحكم كويس على الأمور ونحدد خطة عمل مناسبة لتخطي الأزمة والخروج منها بسلام وبأقل خسائر ممكنة"
"وليكن شعار المرحلة (أغسل ميتك أو بلها حتى يعني .. تحافظ على صحتك) .. دمتم سالمين"