2- كل الحكام اللي بيحكموا ماتشات فرقتك اما بهايم أو بهايم, واحتمال كبير يكونوا بهايم
3- كل جماهير الفرق المنافسة بيموتوا في الشتيمة!
4- التشجيع من القلب لازم يكون بالصريخ مع كل كورة حلوة وفرصة ضايعة, وشتيمة للحمار اللي معرفش يركنها ببطن رجله أو صباع رجله الصغير, كدهوه!
5- طلع الصريخ بعزم ما عندك, بس مش اوي ليطقلك عرق
6- ما تحطش امل على فرقة بيدربها محمد يوسف أو حسام البدري, وديفيد مويس راخر, كلهم ملهومش فيها
7- حب حارس مرمى الفريق وشجعه, الا لو كان اسمه الحضري أو اكرامي أو فالديز!
8- التعصب في حد ذاته حاجة حلوة وبتفرغ طاقات سلبية كتير, اللي يقولك غير كده اخبطه باي حاجة على نفوخه!
9- ما تتفرجش على ماتشات مهمة في البيت, عشان مش هتاخد راحتك لا في التشجيع ولا في الشتيمة
10- لو الظروف حكمت, اكتم صوت التلفزيون خصوصا على بتاع حسام خورشيد, والتاني بتاع اللي كان بيشرب سوجارة في البلكونه
11- ما تتفرجش على ماتشات مهمة في البيت
12- الدوري المصري ما يستاهلش حمقة أو خناقات, خليك فرفوش ياعم
13- لو أنت اهلاوي أحب افكرك ان فترة البيات الشتوي هلت خصوصا بعد تريكه وبركات ما اعتزلوا, ولو كنت زملكاوي فمفيش خوف عليك, مطلقا!
14- لو صاحبك الانتيخ بيشجع فريق منافس, اقتله أو اقتله ويستحسن لو عرفت تقتله, خصوصا لو كان من النوعية اللي بتحب تشمت وتغيظ عمال على بطال
15- أحسن فريق في الدنيا هو فريقك, واللي يقول غير كده ابعته بعثة يسلم على صاحبك الانتيخ!
16- اوعى تتفرج على ماتشات مهمة في البيت
17- مصر بتتفرج على كأس العالم بس, حقيقة علمية ممكن تحميك من أمراض كتير
18- خليك فخور بفانلة فريقك, البسها وهو كسبان أو خسران, بس بلاش تلبسها في الشغل عشان في الغالب ممكن تترفد بسببها
19- أنت اللعيب رقم 12 لفرقتك, بس ده مش معناه انك تتصل بالمدرب الساعه 3 الفجر وتقوله ان عندك امساك
20- أهم 3 حاجات في الدنيا ممكن تنسى عشانهم الكورة واللي بيلعبوها واللي بيشجعوها, حاجتين, الأكل!
ليست هناك تعليقات:
إرسال تعليق