تزامنا مع مرور أسبوعين على مذبحة بورسعيد التي أعقبت مباراة الأهلى والمصري وراح ضحيتها (194 شهيد) بحسب قيادات ألتراس أهلاوي، أنطلقت في الرابعة من بعد عصر اليوم الأربعاء مسيرة هائلة تضم روابط ألتراس النادي الأهلي ونادى الزمالك بالإضافة إلى آخرين لا ينتموا لراوبط الناديين الأكبر في مصر والشرق الأوسط.
بدأت المسيرة من مقر النادي الأهلى بالجزيرة باتجاه مكتب النائب العام (المستشار عبد المجيد محمود)، يقودها (كابوهات) ألتراس أهلاوي مطالبين بسرعة القصاص لدماء الشهداء من جماهير الفريق، وتطهير وزارة الداخلية وإعادة هيكلتها، بالإضافة إلى الرحيل الفوري للعسكر من سدة الحكم.
تحركت المسيرة من أمام أبواب النادي الأهلي وتوقفت أمام الأوبرا لينضم إليها العديد من الجماهير حاملين صور الشهداء، وقامت الجماهير برفع لافتة موجهة لشيخ الأزهر "ياشيخ الأزهر إحنا بنموت ما رأي فضيلتكم؟".
اتجهت المسيرة إلى كوبري 6 أكتوبر حتى توقفت الحركة المرورية تماما ثم هبطت الى ميدان عبد المنعم رياض باتجاه محكمة النقض ومنها إلى مكتب النائب العام، حيث بدأ إشعال الشماريخ وترديد الهتافات المدوية:
- قتلوا الألتراس الأحرار علشان وقفوا مع الثوار
- بالروح بالدم نفديك يا شهيد- القصاص القصاص.. قتلوا اخواتنا بالرصاص
- علشان نادوا بالحرية ماتوا بمؤامرة من الدخلية
- يا نجيب حقهم يا نموت زيهم
- ياشهيد نام وارتاح واحنا نكمل الكفاح
- علي في عدد الشهداء وعلي بكرة الثورة تشيل ما تخلي
- الداخلية بلطجية
- اكتب على حيطة الزنزانة قتل الثوار عار وخيانة
- سامع أم شهيد بتنادي كلاب الشرطة قتلوا ولادي
- يا سياده النائب العام ام شهيد مش عارفه تنام
- ياسياده النائب العام القصاص الفوري بكام
- صاحبي مات في المدرج والداخلية واقفة بتتفرج
- هنعلمهم الأدب هنوريهم الغضب
- الشعب يريد حق الشهيد
- في الجنة ياصحبي مع الابرار حقك هيجيبه الابطال
- انت البادي كان غيرك اشطر يسقط يسقط حكم العسكر- مجلس خيبة ومجلس عار اللي بيقتل في الأحرار
- اللي بيقتل أهله وناسه يبقي خسيس من ساسه لرأسه
- اخويا مات شهيد م الغدر فى بورسعيد ويوم ما افرط فى حقه هكون ميت اكيد
- هي حكاية ومش منسية عادة في كلاب الداخلية
- ايوه بنهتف ضد العسكر بسقط يسقط حكم العسكر مصر دولة مش معسكر
- طفي النور.. الحم باب.. اقتل شهدا ف الاستاد
- عسكر يحكم تاني صعب احنا السلطة احنا الشعب
- مش ناسيين التحرير يا ولاد الوسخة .. الثوره كانت بالنسبه لكو نكسه
- جيشنا فوق الراس مرفوع والمجلس تبع المخلوع
- ثورة كاملة يا اما بلاش عسكر عسكر عسكر ليه حسنى بيحكم ولا ايه
- نسيتوا يناير ولا ايه اعتقلوني أعتقلوني مش هتشوفوا الخوف بعيوني
- يا حكومه بكره حتعرفي بأيدين الشعب حتنضفي
- قولناها زمان للمسنبد الحريه جايه لابد
وانتهت المسيرة بعرض صور الشهداء علي دار القضاء العالي بالبروجيكتور
المجد للشهداء..
Social Plugin