- نعم، عاوز إيه تاني
- ما تنادي ع الصعيدي وبن أخوك البورسعيدي
- ليه؟
- في التلفزيون بيقولوا أن اللي مش هينتخب هيغرموه 500 لحلوح
- يا نهار مدوحس، أنت عمرك ما تجيب أخبار عدلة أبدا
- وأنا مالي، ده الست أم دماغ صفرا هي اللي عماله تدوحر وتزعق
- يادي الخراب المستعجل يا ولاد
- هتنادي عليهم طيب ولا إيه
- فز قوم أنده عليهم أنت
- طب وأنت
- أنا هاجي مع السوهاجي والقناوي والسيناوي والمحلاوي اللي مية مية والنوبة الجمال
- والسوايسة!
- ياعم الدنيا عندهم هايصة أصلا
- والإسمعلاوية
- اللهم لا حسد، دول بقى محدش بيعرف يعمل معاهم حاجة
- خلاص كده مش فاضل غير الشراقوة عشان نبقى عزوة
- يبقى يلا بينا
- إيه ده
- في إيه تاني يا حزين
- طب باقي الناس اللي نعرفهم في أم المخروبة دي
- سيبك.. الأستاذ حسين الجسمي ماجبش سيرتهم يبقوا مش معزومين!!
ليست هناك تعليقات:
إرسال تعليق